کیا آپ جانتے ہیں کہ آپ کے سر پر کتنے بال ہیں؟ بالوں سے متعلق دلچسپ باتیں

ہم میں سے اکثر لوگ اپنے بالوں کی خوبصورتی اور مضبوطی کے حوالے سے فکر مند رہتے ہیں- لیکن دلچسپ بات یہ ہے کہ ہم بالوں سے متعلق بنیادی معلومات سے محروم ہوتے ہیں- مثال کے طور پر کیا آپ جانتے ہیں کہ آپ کے سر پر کتنے بال موجود ہیں؟ اگر نہیں تو آئیے ہم آپ کو بتاتے ہیں اور ساتھ ہی بالوں سے متعلق کئی اور دلچسپ حقائق سے بھی آگاہ کرتے ہیں

ایک انسان کے سر پر اوسطاً 1 لاکھ سے 1 لاکھ 50 ہزار بال ہوتے ہیں "پب میڈ" کے مطابق 50 افراد پر کی گئی ایک تحقیق کے دوران یہ بات ثابت ہوئی کہ سر کے ایک اسکوائر انچ کے حصے پر 800 سے 1290 کے درمیان بال ہوتے ہیں- آپ کو یہ جان کر ہرانگی ہوگی کہ سر پر بالوں کی تعداد بالوں کے رنگ کے حساب سے ہوتی ہے- سنہرے بالوں کی تعداد سب سے زیادہ یعنی 1 لاکھ 50 ہزار تک جبکہ لال بال سب سے کم یعنی 90 ہزار تک ہوتے ہیں- ہمارے بال ایک سال کے دوران 6 انچ تک لمبے ہوسکتے ہیں یعنی ایک مہینے میں آدھا انچ - آپ کو یہ جان کر بھی ہرانگی ہوگی کہ مردوں کے بال خواتین کے مقابلے میں زیادہ تیزی سے بڑھتے ہیں- آپ کے روزانہ 60 سے 100 بال گرتے ہیں لیکن اس کا انحصار بالوں کی دیکھ بھال پر ہوتا ہے ورنہ اس سے زیادہ بھی گر سکتے ہیں- بالوں کے رنگ کا تعلق انسان کی موروثیت سے ہوتا ہے- دنیا کے 90 فیصد افراد کے بالوں کا رنگ کالا یا بھورا ہوتا ہے- پانی آپ کے بالوں کی خصوصیات کو متاثر کر سکتا ہے- گیلے بالوں کے وزن میں 18 فیصد تک اضافہ ہوجاتا ہے جبکہ یہ 30 فیصد زیادہ لمبے ہوسکتے ہیں- جسم کے بہت کم حصے ہیں جن پر بال نہیں ہوتے ان میں قابلِ ذکر ہاتھوں کی ہتھیلیاں اور پاؤں کے تلوے ہیں- آپ کی عمر کے ساتھ آپ کے بالوں کا رنگ سفید یا سرمئی ہونے کے امکان میں اضافہ ہوتا جاتا ہے- بالخصوص 32 سال کی عمر کے بعد ایک دہائی میں یہ امکان %12 سے %20 تک بڑھ جاتا ہے-